Darna

Tila birhen kung lumipad
Nahulog sa bangin
Ako'y napaungol
Sa dalagang nababalot ng wala

Mapapansin ka ba
Sa dami ng 'king ginagawa
Kung kaagaw mo ang lahat
May pag-asa bang makaresling ka

Awit na nangingisay
Baka sakaling nakamamatay
Galit na palaisipan
Sa 'yo na lang iraraos

Nag-aabang, parang sa counter
Sa mga damo sumisilip
Sa likod ng mga puno
Kahit tsansing lang Darna

Ang malas nga naman ni Ding
Lagi ka niyang kasiping
Kung ako lang sa kanya
Kinatay na kita

Mapapansin ka ba
Sa dami ng 'king ginagawa
Kung kaagaw mo ang lahat
May pag-asa bang makaresling ka

Awit na nangingisay
Baka sakaling nakamamatay
Galit na palaisipan
Sa 'yo na lang iraraos

Nag-aabang, parang sa counter
Sa mga damo sumisilip
Sa likod ng mga puno
Kahit tsansing lang Darna

Tumalon kaya ako sa hangin
Para lang makatakas
Saydang ito ang paraan
Para maiwasan ka

Darating pa rin
Kahit maraming ginagawa
Kung kaagaw mo'y marami
Paano na?

Awit na nangingisay
Baka sakaling nakamamatay
Galit na palaisipan
Sa 'yo na lang iraraos

Nag-aabang, parang sa counter
Sa mga damo sumisilip
Sa likod ng mga puno
Kahit tsansing lang Darna

Nag-aabang, parang sa counter
Sa mga damo sumisilip
Sa likod ng mga puno
Kahit tsansing lang Darna

Tala: Wala lang. Ang sarap maglaro ng mga salita. Matagal ko na talagang ninais ang gawin ito. Mula ito sa kantang "Narda" mula sa album na Maharot ng bandang Kamikazee.

Kamalian

Nagsisimula na akong magsawa sa kadedepensa sa aking sarili. Alam kong hindi ito maganda. Kaugnay nito, kailangan kong magsatupad ng counter-measures. Iwas-bangag. Tulog ng maaga. Dapat magkaroon ng konkretong direksyon ang aking mga prioridad: ang aking sarili, pamilya, karir, kaibigan at magiging pamilya. Ang pagkakaroon ng mission-vision ay isa sa mga ito.

Berdugo

Pasensya ka na sa nagawa kong desisyon. Kahit na papaano, alam kong apektado ka nito. Hindi ko alam kung ano ang dahilan, pero nagigilti ako sa hindi ko pagpabor sa iyo. Mahirap ang naging desisyon ko. Hanggang ngayon, may bahid pa rin ng kakulangan ng hustisya. Isang buong taon, tila nabaliwala. Haay. Umasa kasi ako, kahit papaano, na papabor sa iyo ang iba, ang karamihan. Nagkamali ako. Para saan nga ba ang ginawa namin? Kung eksaktong-eksaktong sa eksaktong pamantayan, bakit pa namin iyon gagawin? Nasa kontrol ako sa sitwasyon, bagaman bahagya'y mayroon pa rin. Ang lahat ng ginawa ko ay para sa ikabubuti ng samahan at sa interes na rin mo. Kasi kung gusto mo talaga iyon ng ganoon kasama, hindi lang ganoon ang sana'y naging perpormans mo. Hindi ko na babanggitin kung sino ka (at mga kasama mo), alam mo na naman e. Pero kung talagang gusto mo talaga ito at ang tumuloy kalaunan sa kurso sa pagkadoktor sa medisina, malakas ang payo ko na subukan mo uli sa susunod na taon. Sadyang malaki ang naitulong ng naturang samahan sa aking buhay at sa paggabay sa akin tungo sa tamang-daan. Hindi siya pabigat at hindi siya dapat maging hadlang sa direksyong pang-akademiko. Matuto ka sa iyong mga naging pagkakamali.

Sa letrang L

Lubos na makapangyarihan ang wika. Ito ay sumasalamin sa lebel ng karunungan ng isang kultura. Kung may o maraming salita para sa isang bagay, ibig sabihin ay mahalaga o talamak ito sa naturang pangkat ng mga nilalang. Dahil sa napansin ko na mukhang mahilig ang mga Pilipino sa mga kanta ukol sa pag-ibig, naisip kong tingnan ang 'maitim' na kasingkahulugan nito: ang salitang "libog". (Kahit na sa mga matatandang kantang kundiman, mapupunang 'cheesy' talaga tayo.) Heto na po:

libog: utog, iyag, lanya
iyag: pagkaseksi, halay
halay: sagwa, laswa, bastos, bulgar
sagwa: gaslaw, gaspang, labis
laswa: tungayaw, lapastangan
bastos: garapal, mumurahin
bulgar: palasak
gaslaw: harot, likot, karatsa
gaspang: ligasgas

Sayang

Wala lang. Sayang lang oras ko kasi wala akong skedyul na ginawan na akin sanang susundin. Pramis ko na gagawa ako ng sked, gagawin yung mga gawain ayon sa sched. maksimum ng 2 oras ng kompyuter, maglilinis ng kwarto, mag-aayos ng bag, tutulong sa gawain bahay, mag-eeksersays, isasaisip at isasapuso ang lahat ng mga gawain at balakin.

Maria

* Ate, patawad po sa pagsasalita ko ng basura laban sa iyo. Ako ang may kasalanan kung bakit nasira yung dagang optikal ko. Ang babaw talaga. Bumili naman ako ng pampalit mula sa CD-R King.
* Hindi kailangang parating bago ang regalo.
* Kakainis talaga yung nangyari kanina sa Novaliches. Nagparinig yung tita ko tungkol sa hindi ko paniniwala na may Diyos. Kung mayroon lang sanang silahis ng pag-asang maiintidihan niya ako, idinepensa ko sana yung sarili ko at ang aking mga paniniwala. Nakakainis talaga kasi naroon pa yung pamilya ko at mga pinsan. At bakit nangyari ang lahat ng ito? Dahil sa tatay ko. Siya ang nagkwento sa tita ko na ateista ako. Sabi niya hindi ko dapat itago iyon at maiintidihan naman daw ako nito. Pero dati pa namin alam na sarado Romano Katoliko itong tita kong tumulong ng malaki sa pagbibigay sa amin ng suporta pinansyal. Ang gusto lang naman talaga ng tatay ko ay yaong hindi ko/namin itago ang katotohanan sa tita ko (na ateista ako). Ang punto ko naman ay hindi ko naman ikinakaila iyon. Mas okey nga lang kung hindi namin siya gabayan tungo sa pagkakaalam noon. Sa sama ng loob ko, naging tulala ako sa malaking bahagi ng aming pagdalaw. Dinaan ko na lamang ang aking sama ng loob sa paglamon ng pansit, ang paborito kong ulam. Medyo gago nga ako kasi halatang masama yung loob ko at hinid ako sumagot kahit na kinausap ako.

Lipas

Pasensya na
Pasensya na't minahal kita
Minahal kita ng labis
At labis mo 'kong sinaktan
Masakit isipin
Sumama ang loob ko
 magmula noong araw na iyon
 hanggang sa ngayon
Ang araw na 'yong ipinamukha
 sa 'king wala
Wala 'ko sa 'yong pag-asa
Na hindi mo 'ko mahal
Ibang lalaki ang nasa puso mo
Hindi ako
Bakit?
Kung bakit ba kasi nagawa
 kitang takutin at saktan
Ako mismo ang naglayo ng loob
 mo sa 'kin
Kung maibabalik ko lang
 ang nakaraan
Inayos ko sana ang gulong ako
 ang nagsimula
Ngunit sa ngayo'y huli na
 ang lahat
Tadhana ang nagpakitang
 ako ay isang duwag
Hindi ako karapat-dapat sa 'yo
Hindi tayo karapat-dapat
 sa isa't isa
Tumigil ang daloy ng panahon
Halos sinira ko ang aking sarili
 dahil sa galit
Sinayang ko ang oras
 sa kaiisip sa 'yo
Kahit na sigurado akong
 ni isang saglit ay
 'di ako sumagi sa isip mo
Suko na ako sa labang ito
Maging wala sa 'tin ang nagwagi
Ito ang unang malaking
 kabiguan ko
Nangyari sa palad mo
Siguro hindi ka pa rin masaya
Kahit na nakaganti ka na
Marahil dahil 'di mo 'to alam
Wala na 'kong pakialam
Hindi ko na mithiing
 paligayahin ka
Lipas na tayo

Buhay Slavehack

Ang buhay ay parang Slavehack (isang hacking game). Tayong lahat ay mga kompyuter. Sa ating mga interaksyon ay hinahack natin ang bawat isa. Maraming tao ang garapalan sa pakikipagkilala habang ang iba naman ay sobrang mahiyain. Sa mabuti man o masamang intensyon ay nag-iiwan tayo ng marka sa ibang tao: virus. Ang iba sa atin ay may kakayahang tanggalin ito sa pamamagitan ng anti-virus, ngunit ang iba ay mas pinipiling hayaan ito sa kani-kaniyang mga sistema. Ang marka ay maaaring seryoso (spam) o hindi seryoso (warez). Importante ang mga maralita at mga taong magagago upang sila'y iyong maabuso at pagkaperahan (slaves). (Patama ito sa sobrang kuripot at hindi makatao kung magtrato sa mga manggagawa/katulong.)

Kapag ang isang tao ay napuno na, maaari siyang gumawa ng isang krimen laban sa kanyang kapwa (DDoS attacks). Ito ay lubos na nakapaparalisa sa kanyang kaaway, lalo na kung ito ay grabe at maramihan.

Upang umakit ng maraming mga may kwenta o kapaki-pakinabang na mga kaibigan, kailangang magkaroon ng pinakabago at pinakamataas na mga kasangkapan (software at hardware). Mahalaga rin ang mga matitinong koneksyon (internet connection) at dambuhalang tambakan (harddrive). Mayroon din namang ikalawa at ikatlong pagkakataon sakaling magkamali (external harddrive, banks, ip resets). Ang pinakamahalagang gawain ay ang magkamal ng pera at reputasyon.

Wala na

'Malaking pagkakamali. Napakalaking pagkakamali na ako ang inibig mo, sinasabi ko!' -- sinabi ng dati kong kamag-aral sa aking kaibigan

Mapapaputang-ina ka talaga kapag binasted ka ng isang babae. Oo, babae. Ngunit ang naturang babae ay hindi lang basta-basta--siya ay ang binibining tinitibuk-tibok ng iyong puso.

Med tip

Applying to med schools? Yes. Best tip I got: Be a doctor. (Be doctor-like.) Makes sense to me.